Friends of Suai (Australia) prolonga tan koperasaun servisu tinan 10 ho nia parceiro Centro Comunidade Covalima (CCC), tanba ne’e organizasaun CCC husu ba nia grupu targeto sira hotu atu hala’o sira nia koperasaun servisu di’ak liu tan iha grupo ida idak,lia hirak ne’e hato’o Quinta Feira 10/09/20 wainhira CCC realiza encontru regular no nia grupo targeto sira no stakeholders iha salaun CCC Suai, Debos.
“Hakarak apela ba grupo targeto no stakeholders sira hotu katak iha semana kotuk resoluzaun hatun ona katak koperasaun entre Belun ho Suai – CCC prolonga tan to’o tinan 10,tanba ne’e husu ba grupu tarjetu sira atu esforsu an nafatin hodi hala’o aktividades sira ne’e di’ak liu tan”.Dehan reperezentante Diretor CCC Fernando Seran dos Santos.
Fernando mos dehan Centru Comunidade sei esforsu nafatin hodi buka merkadoria ba produtu nebe Grupu sira iha.
“ Ami sei tenta nafatin buka merkadoria hodi nune’e imi mos senti katak grupu ida ne’e lao neneik maibe ba bebeik hodi faan Produtu sira nebe iha”, Tenik Fernando Seran dos Santos ba Membro grupo sira wainhira halo sorumutu iha iha salaun CCC.
Ekipa Kobertura :Asatu & Abecky
Editor : Chamot
