Covalima-RCCT-Akontesimento hali hun bot ida monu rezulda sala de aula ida iha Eskola Baziku Central (EBC) Tashilin no straga mos , fiu eletrisidade nebe liga ba eskal ne’e rasik no komunidade nia uma Suku Tasilin postu administrative Zumalai.
Adjunto Diretor EBC Tasilin Paulo Afonso informa ba RCCT, akontesimento ne’e akontese iha quarta feira (08-10-20) mais ou menus iha tuku 5:30 dader san, no iha akontesimento ne’e la rejulta ema ruma kanek maibe sala de aula balu mak la aproveita tamba ai hali ne’e monu estraga kalen uma eskola nian no fiu eletrisidade.
“Akontesimento ne’e ami la hatene tuir, dader san ami mai eskola mak ami mos foin hatene, ami hare ai ne’e monu kona uma eskola ne’e hodi estraga sala neba ne’e, maibe laiha labarik ruma mak kanek, soke turma neba maka la aproveita ona ” Dehan Adjunto Diretor Paulo Afonso ba RCCT Quarta (08-10-20) iha Fatin Akontesemetu.
Relasiona ho desastre natural nebe afeita ba EBC Tasilin , Adjunto Diretor Paulo husu ba Ministerio Kompetente sira atu emejensiamente bele ajuda matrial konstruksaun hodi hadi’a fila fali uma eskola nebe hetan estragus husi dezastre natural ne’e.
“Ami hanesan lideransa iha eskola ne’e ami husu ba Ministerio Edukasaun no Ministerio Kompotente atu bele suporta mais ou menus bele apoio netik material emergensia atu bele hadi’a fila fali sala ne’ebe maka hetan estragus tan ba ai monu ne’e, sala ida att ne’e uja ba primeiro ano nian. ”Tenik Adjunto Diretor Paulo Afonso.
Liga ho akontesementu ne’e Jornalista RCCT Observa katak equipa Bombeiros no EDTL to’o kedas iha terrenu hodi halo atuasaun akontesementu ne’e.
Jornalista : Tynho Gusmão
Editor : Chamot Nahac
