Covalima-(RCCT) 28-8-20- Komisaun Funsaun Publika fo Posse ba Xefe Seksaun Servisu Lokal Posto Administrativo hitu iha Municipio Covalima. Ne’ebe Kada Posto iha Xefe Seksaun 2 mak simu Pose ba kargu Xefe Administrasaun Lokal no Planeamento Desenvolvimento Lokal.
Xefe Seksaun nebe simu Pose ne’e sei assume sira nia kargu durante tinan 4 nia laran hodi apoio servisu iha Postu Administrativu 7 iha Covalima hodi ne’e bele hadia liu tan dezenvolvementu iha Postu Administrativo ida idak.
Tuir lolos prosessu tomada de possse ba Xefe Seksaun na’in 14 ne’e remata ona iha Fulan Febreiro liu ba mai tamba selesaun primeiru ba kargu Xefia ne’e hahu kedas hala’o Prosesu iha Dezembro 2019, maibe liga Estadu Emerjensia tanba Surtu Covid-19 ne’e mak la konsege selebra tomada posse, dehan Secretario Exekutivo Comisaun Funsaun Publika, Nelson Filomeno Rego de Jesus ba RCCT.
“Prosesu ida ne’ebe ke naruk ita hala’o maibe lakonsege finalize tuir tempo tanba ita hasoru situasaun EE tanba Covid-19, maibe to’o ikus Servisu Administarsaun Estatal iha Municipio Covaliam no mos Komisaun Funsaun publika konsege remata duni ba selesaun pumeritu ba kandidatus sira hotu iha Municipio ida ne’e, tan ne’e kandidatu hirak ne’e hodi asumi kargu Xefia 14 ba Xefe Seksaun Servisu Lokal Posto Administrativu 7 nian, tan ne’e ohin ita bele fo Pose ba Xefi Seksaun sira ne’e.” Dehan Secretario Exekutivo Comisaun Funsaun Publika, Nelson Filomeno Rego de Jesus
Administrador Munisipio Covalima, Afonso Nugueira Nahak, mos hateten, liu husi tomada deposse ba Xefe Seksaun na’in 14 ne’e atu haforsa Administrador Posto hodi halo desenvolvimento iha posto ida-idak.
“Xefe Seksaun na’in 14 ne’e sei destaka ba iha Posto Administrativu 7 iha Covalima atu nune’e bele haforsa tan Administrador postu ida idak, hodi bele hala’o desenvolvimentu iha Postu Adminstrativu idai dak”
Tan ne’e Lider Maximu Covalima ne’e hamenu ba Xefe Seksaun sira nebe foin simu Pose atu kolobora ho Administrador Posto sira hodi tau planu foun ba Dezenvolvementu iha Posto.
“Hanesan Administrador iha Municipio ida ne’e hamenu ba iha Xefe Seksaun foun sira katak fila ba ida ita bot sira nia fatin hodi buka meius oinsa mak bele halo netik buat foun ruma iha postu sira ne’ebe imi hala’o k’ran ba.” Tenik admnistrador Munisipio Covalima, Afonso Nuguirah Nahak.
Enquanto Xefe Seksaun Servisu Lokal Planeamento Desenvolvimento Posto Maukatar, Adriana da Costa hafoin simu pose, lameneta sei desenvolve ninia Posto Maukatar sai Posto nebe di’ak iha Municipio Covalima.
“ Ha’u senti orgulho tebes tamba primeira ves ha’u mos bele hetan pose no kargo Xefia hanesan Xefe Seksaun iha Postu Administrative Maukatar ninian, tamba ne’e mak ba future ha’u sei nafatin desenvolve ha’u nia kapasidade atu hodi bele hadi’a liu tan ha’u nia Postu sai di’ak iha Municipio Covalima ida ne’e.”dehan Xefe Seksaun Postu Maukatar Adriana da Costa.
Jornalista : Tynho / Jhony
Editor : Chamot Nahac
