CVTL fasilita matrial kanalizasaun bee mos no apoio tekniku hodi dada Bee ba komunidade sira iha Suco Beco Aldeia Tudulpo nebe dadaun ne’e konstruksaun atinzi ona75%.
Koordenador CVTL Filial Covalima Domingos Grafilla Amaral informa ba RCCT Quarta feira Ohin (12/08/20), Sistema servisu kanalizasaun bee ne’e voluntariomente apoio husi komunidade iha Aldeia Tudulpo.
“CVTL hanesan organizasaun humanitaria nebe atu fasilita komunidade, tan ne’e Sistema servisu ne’e voluntariomente ajuda husi komunidade tanba sira senti sira mak na’in ba kanalizaun Bee ne’e”.dehan Domingos.
Coordenador Domingos fundamenta Servisu kanalizasaun bee mos ba komunidade sei remata iha tempo badak no komunidade bele utiliza ona bee ne’e.
Tan ne’e abitante Aldeia Tudulpo, Andre Goveia Leite senti orgullu ho ajuda kanalizasaun bee mos nebe CVTL Oferese ba sira.
“Ami kontenti CVTL mai ajuda ami hodi dada bee mos to’o ona ami nia sorin, nebe agora ami lasusar ona ba bee mos, no ami mos kontetin ajuda servisu voluntario para servisu ne’e bele hotu lalais”
Engkuantu tuir Planu CVTL-Covalima nian, servisu kanalizasaun Bee ba komunidade Tudulpo ne’e sei rematan iha Fulan Outobru tinan ne’e.
Jornalista : Jhony
Edetor : Chamot Nahac
