Pessoal Siguransa no Limpeza (Cleaner) iha Hospital Referal Suai ameasa taka portaun bo’ot hospital nian.
Reportazen : Janu Barros
Editor : Chamot Nahac
Relasiona ho pagamento subsidio ba Covid-19 husi Governo ba servisu na’in sira iha Linha Oin ba Combate Covid-19, Pessoal Siguransa no Cleaner hamutuk na’in 65 iha Hospital Referal Suai Ameasa Sei taka portaun bo’ot Hospital Referel Suai Tanba seidauk simu sira nia direito ba Subsidio ne’e.
Ba Jornalista RCCT, Reprezentante Siguransa iha hospital Suai Marcelino Amaral informa Durante Implementasaun Estado Emergensia nebe relasiona ho situasaun Covid-19, Pessoal Siguransa no cleaner iha Hospital Refere nafatin hala’o sira nia kna’ar tanba kumpri ordem no fiar ba Promesa husi Autoridade iha Hospital Refere Suai katak sira sei hetan subsidio Covid-19.
“ Ha’u hakarak hato’o ami nia problema ne’ebe ami hasoru durante Situasaun Covid-19, foin dadauk a Autoridade Sira iha Hospital ne’e dehan ba ami, imi serbisu deit nanti ita hetan hotu osan ne’e. ami mos assina karta ida no hatama ho Eleitoral, tau hotu ami nia naran Siguransa ho cleaner ami assina ne’e dala rua, ne’e hatama antes, hatama hotu ida ne’e, to’o atu simu fali osan ne’e, sira hatete fali ba ami dehan , imi Siguransa ho Cleaner nia osan la iha, entaun hau’ iha Pergunta, se ami nia osan la iha karik, momento neba ita bot sira hatete kedas mai ami ona ne’e para ami mos izola aan iha uma deit. Dehan Marcelino Amaral Tersa feira ohin (21/7/20) iha Hospital Referal Suai.
Reprezentante Sigunrasa Marcelino Amaral Fundamenta se bainhira la responde husi Autoridade husi Hospital Referal Suai maka pessoal Siguransa no cleaner hamutuk na’in 65 ne’e, Ameasa atu taka portaun Hospital Refereal Suai, no sei halo asaun iha hospital refere, atu nune’e bele hetan solusaun.
“ Ohin loron ami lataka portaun ba sira, se la iha responde ba ami maka portaun bo’ot ne ita taka, atu nune bele hetan solusaun, resolve hotu mak bele sai, se la resolve entaun ita taka portaun, ami ema na’in 65 ne’e sei kontiua halo halo nafatin asaun iha ne’e to’o iha solusaun ba nia Problema ne’e. Tenik Marcelino.
Iha fatin hanesan supervisor ba Cleaner iha Hospital Referal Suai, Caitano Gomes de Araujo husu ba Governo Atu kumpri dever hodi responde subsidio Covid-19 ba sira.
“Durante Estado Emejensia iha fulan tolu nia laran, ami Cleaner sira iha ne’e hamotuk na’in 40 Kumpri ona ami nia Dever hodi hala’o ami nia k’nar durante situasaun Covid-19 nia laran, agora ami ejiji fali ami nia Direito ba Subsidio Covid-19 ba Governu atu bele Kumpri fali ninia Dever hodi responde ba saida mak sai hanesan ami nia direito ne’e” Dehan Caitano
Hatan ba kestaun amesa atu taka portaun ne’e Diretor Itereno Hospital Referal Suai Konsidera Siguransa ho Cleaner sira bele Protesta maibe hala’o Asaun Krime no sira tenki kontinua nafatin halo sira nia aktividade regular hanesan Siguransa no Cleaner iha Hospital Suai.
“Kona ba atu taka portaun ne’e la’os solusaun tanba, ami hanesan Ponte deit atu hato’o sira expresaun liu husi protesta ne’e ba iha ministerio no kompania no ita hein resposta saida mak sira atu fo mai, maibe sira nia servisu regular sira tenki hala’o nafatin, kona protesta bele protesta maibe labele halo asaun krime tanba ne’e hasoru fali krime ona” Dehan Andre Amaral ba RCCT iha nia Knar fatin Hospital Referal Suai.
Entretanto relasiona ho Kestaun Subsidio ba Cleaner ho Siguransa ne’e, parte Hospital Suai Haruka Karta Kuaze dala 3 ona ba iha Ministerio no parte hospital simu resposta katak ministerio fo deit subsidio ba funsionarios Hospital no kona ba Siguransa no Cleaner ne’e Responsavel kompania ninian atu fo Subsidio ba sira.
