Jornalista : Tinho Gusmão / Jhony.
Editor : Chamot Nahac
Segunda Feira ohin (13-07) Serbisu Saude Munisipio liu husi serbisu Saude Ambiental hala’o fomigasaun ba Prevensaun moras dengue iha munisipio Covalima liu-liu iha area ka risku sira.
Ba RCCT responsabel Saude Ambiental servisu Saude Municipio Covalima Natalia da Costaiha nia intervista hateten objetivo ba actividades fomigasaun ne’e atu hamate susuk liga ho moras dengue nebe afeta ona ba Comunidade sira iha Munisipio Covalima tan ne’e Fugisaun ne’e halo liu-liu iha area risku sira hanesan Aldeia Asurai,Suku Debos, Posto Admnistrativu Suai no iha Suco Ogues Posto Admnistrativu Maukatar.
EngkuantoNataliada Costa salienta tan durante ne’e sira regista kazu dengue iha Municipio Covalima, liu-liu iha area risku sira mak hanesan Posto Administrativo 4, hanesan Posto Administrativo Suai, Administrativo Maukatar, Administrativo Tilomar, no Administrativo Fatumea,
Relasiona ho ne’e equipa servisu saude ambiental hala’o ona actividades fomigasaun iha Posto Administrativo Maukatar Suco Ogues iha loron Quinta Feira (09-07), no ba Segunda Feira (13-07) ne’e actividades refere hala’o iha Administrativo Suai no Postu Administrativo Rua seluk sei hala’o iha tuir mai;
“Ba oin ne’e ami sei kontinua tama ba iha Posto Administrativo Rua, hanesan Postu Administrativo Fatumea, no Tilomar, tanba Postu Administrativo Rua ne’e ninia distancia dok husi Kapital Munisipio Covalima, maibe iha tempo iha badak ami sei to’o duni Posto Administrativo refere hodi halo fomegasaun ba moras denge ne’e rasik”. Katak Responsavel Saude Ambiental Municipio Covalima Segunda Feira ohin (13-07) wainhira halo aktividade rega aimoruk prevensaun dengue iha Aldeia Asurai Suco Debos.
Entertanto iha aktividades intervensaun liu husi halo fomigasaun ne’e fokus liu ba uma laran, nomos haris fatin, baleta, no mos fatin nebe sira nebe fasil susuk atu moris ba.
“Ohin ne’e ami halo fomigasaun iha Adiea Asurai ba total uma kain hamutuk uma kain ha’at nulu resin tolu ( 43 ) no ami halo fomigasaun ne’e ami fokus liu ba uma laran, uma ninin, baleta, sintina, no mos tenki ne’e mak ita uza. dehan Natalia”.
