Covalima (RCCT) 11-02-25-Sekretariadu Tekniku Administrasaun Eleitora (STAE) Iha Munisipiu Covalima Imprime ona Kartaun Eleitoral (KE) Biometriku Hamutuk rihun hat atus hitu hat nulu resin hat (4,744) ba Sidadaun sira.
Diretór STAE Munisipiu Covalima Fransisco Gusmão hatete Hahu husi Lansamentu Kartaun Eleitoral Biometriku husi 2024 to Janeiru 2025 Tekniku STAE Munispiu Covalima Emprimi ona Kartau Elitoral Biometriku Hamutuk 4,744 husi numeru ne’e total eleitor feto hamotuk 2,399 no mane 2,345 engkuantu husi total Kartaun Eleitoral Biometriku 4,744 ne’e iha eletor foun hamotuk 414.
“Hahu husi Abertura iha Loron 29 Fulan Outobru 2024 mai to’o iha loron 13 Fulan Dezembru 2024 total eleitor ne’ebé mak atende hamutuk iha rihun rua atus nen hitu nulu resin rua ne’e kompostu husi aktualiza dadus 2,478 no sira ne’ebé mak foun hamutuk 194 ne’ebé mak durante iha fulan ida resin tama fulan rua nian iha 2024 no tama fali iha Fulan Janeiru 2025 komesa husi loron 6 fulan janeiru mai to’o iha loron 31 fulan Janeiru 2025 no iha eleitor ne’ebé mak ekipa tekniku sira atende iha sistema biometriku hamutuk rihun rua hitu nulu resin rua (2,072) ne’e kompostu husi atualiza dadus iha rihun ida atus walu lima nulu resin rua (1852) no eleitor sira foun hamutuk atus rua nulu entaun total hamutuk iha rihun hat atus hitu hat nulu resin hat (4,744)” Diretór STAE Munisipiu Covalima Fransisco Gusmão, esplika.
Diretór STAE informa Durante ne’ e mos STAE Munisipiu Covalima, esplika, katak dadus ba atualizasaun Eletoral Biometriku ne’ebé tekniku STAE Covalima hatama ona iha Sistema, sei halo validasaun iha Nasional depois hetan aprovasaun hodi halo imprime iha Covalima.
“Nasional mak sei halo validasaun ba dadus sira ne’ebé mak ita input ba iha komputador, ne’ebé bainhira sistema halo validasaun mak foin halo aprovasaun, depois aprovasaun mak ita foin bele print,” Tenik nia.
STAE Munisipiu Covalima hahu halo atualizasaun ba kartaun eleitoral biometriku hahu iha loron 29 fulan outubru 2024, maibe to’o agora tekniku sira sei kontra deit hodi halo atedimentu iha STAE Munisipiu, tanba sei hein orientasaun no aprovasaun orsamentu hodi koloka tekniku sira halo atendimentu atualizasaun ba kartaun eleitoral biometriku ba sidadaun sira iha Postu Administrativu hotu.
Notisia Relevante :https://www.rcct.tl/stae-munisipiu-covalima-troka-kartaun-eleitoral-ba-baze-biometriku-hamutuk-1526/
Jornalista : Alfredo Barreto
Editor : Chamot Nahac
