Covalima (RCCT) 07-02-25-Kondisaun estrada at iha Postu Administrativu Fatumea kontinua fo ameasa ba Komunidade rihun tolu atus nen hat nulu resin ualu, (3,648) wainhira atu halo viazen husi fatumea mai kapital munisipiu covalima hodi asesu ba merkadu.
Xefe Suku Nanu, Abel Mendonça, konta, wainhira tempu udan, komunidade sira husi Suku tolu, Aldeia 12 iha Postu Administrativu Fatumea labele halo movimentu mai Kapital Munisipiu Covalima hodi fa’an sira nia produtu lokal iha markadu Suai.
” Ligadu estrada ne’ebé husi kapital mai iha postu Administrativu Fatumea kondisaun ida ne’ebé grave tebes bainhira iha tempu udan transporte sira labele halo movimentu no iha tempu bai loron sira bele halo movimentu tanba ida ne’e la iha ona falla ba sira tanba rai la udan depois mos difikuldades bo’ot mak komunidade sira infrenta liliu ba sira nia produtu lokal wanhira sira atu hodi ba iha merkadoria sira labele lori ba bainhira tempu udan, tamba transporte liliu ba angguna sira la bele halo movimentu husi Postu Fatumea ba iha merkadu Suai” Nia dehan.
iha Sorin seluk Komunidade suku be lulik leten Caitano Amaral hatete, kada tinan sempre hasoru difikuldade konaba atu lori sira nia produtu lokal asesu ba merkadu iha suai, basa kondisaun luron at grave nune’e wainhira fo amesa ba vida wainhira halo viazen iha tempu udan.
“Ami nudar ema vida agrikultor ami nia servisu mak halo to’os ne’e deit, kuda kaut (Brinjela) no tomate, atu lori ba merkadu Suai ne’e susar los tanba dala ruma ami tun ba to’o iha Suai ami tenki toba no udan kareta la halo Movimentu no dala ruma mos to iha dalan mak derepenti udan obrigatoriu ami tenki toba iha dalan tanba kareta liu la di’ak” dehan Komunidade Caetano.
Postu Administrataivu Fatumea Lokaliza iha Munisipiu Covalima, ne’ebé rabat liu ba fronteira rai maran entre Covalima Timor Leste ho Belu Nusa Tengara Timur (NTT) Indonesia. Total Populasaun iha Postu Administrataivu Fatumea hamotuk 3,648 kompotu husi Feto 1,879 no Mane 1,769 ne’ebé sai nudar abitante iha suku 3 Aldeia 12 iha luan area 132.60 km2.
Jornalista : Alfredo Barreto
Editor : Chamot Nahac
