Covalima (RCCT) 01-02-25-Komisariu Kombatentes Libertasaun Nasional Munisipiu Covalima, Francisco Doutel Sarmento “Lamesak” presta ona deklarasaun iha Komandu PNTL Covalima relasiona ho kazu deskonfia envolve iha esplorasaun hasoru veteranu no kombatente sira iha verifikasaun dadus veteranu rejistradu 2009.
Superintendente Polisia João Belo dos Reis, hatete, Diresaun Servisu Investigasaun Kriminal Nasioanl, inkeritu ne’e hala’o bazeia ba keixa ne’ebé Francisco Doutel Sarmento (Lamesak) hato’o iha Polisia Investigasaun Kriminal Nasional no mos observasaun ba informsaun sira ne’ebé lansa iha Sosial Media.
Notisia Relevante : https://www.rcct.tl/veteranu-nain-14-iha-covalima-kondena-aktu-esplorasaun-hasoru-sira-durante-prosesu-verifikasaun-dadus-veteranu-2009/
“Primeiru ita observa informasaun sira ne’ebé lansa iha media sosial, segundu bazeia ba keixa ne’ebé Sr. Lamesak hato’o iha servisu investigasaun kriminal nasional, depois ami foti tiha deklarasaun sr. veteranu nia iha nasional, ami mos kontinua mai iha ne’e para atu ajuda investigasaun munisipiu atu rekolla tan informasaun ba parte sira mak involvidu, ba parte sira ne’ebé mak senti prezudikadu, Parte sira ne’ebé mak senti lamentavel ho situasaun verifikasaun nian, nune’e ita bele Aprezenta ba Ministeriu Publiku, aprezenta fali ba tribunal tuir kuridor ne’ebé mak ita iha” Superintendente Polisia João Belo dos Reis esplika.
Superintendente Polisia João Belo dos Reis fundamenta, “Keixa Primeiru ne’e hato’o iha Nasional, husi sr Lamesak kontra ema sira ne’ebé halo publikasaun informasaun iha suai, entaun ami foti informasaun iha nasional hodi verifika informasaun sira ne’ebé iha ona, ami tenki rona mos husi ema sira ne’ebé publika informasaun iha ne’e hodi apoiu Komandu Munisipiu, no tuir planu ne’ebé ami iha, orsida intrega on aba Ministeriu Publiku” Superintendente Polisia João Belo dos Reis.
Hafoin remata investigasaun, Lamesak Ko’alia ba jornalista dehan nia parte prontu submete kolker desizaun, no bazeia evindensia sira ne’ebé aprezenta hodi kontra nia, basa ema hotu timor leste moris iha lei nia okos. Nia dehan konaba veteran sira la satisfas ho lista edital ne’ebé publika ona ne’e tanba iha fallansu tekniku, la’os ema ida nia hakarak.
“Ohin Ha’u Presta ona deklarasaun, Sira hotu hotu ona ha’u nia dadus, buat saida mak sira ko’alia, ne’e tenki iha evidensia, ita naran revaixa ema arbiru ne’e ladi’ak. La’os tanba ambisaun de kargus mak ha’u halo funu, Ha’u halo funu tanba ema Covalima, dun ha’u halo esplorasaun, maibe ha’u la forma komisaun ho imi, ha’u mai atu halo verifikasaun, imi mak forma komisaun hamotuk ho xefe suku no xefe aldeia na’in 9, la’os ha’u mak forma, ne’ebé ha’u prontu simu desizaun, ita ba iha tribunal mak foin bele disidi” Lamesak dehan.
Engkuantu, Polisia Investigasaun Kriminal Nasional mos halo ona prosesu inkeritu ba veteranu sira ne’ebé Konsidera Lamesak halo esplorasaun hasoru sira iha tempu verifikasaun dadus veteranu rejistadu 2009.Investigasaun ne’e Polisia Investigasaun Nasional Hala’o iha Komandu PNTL Munisipiu Covalima.
Notisia Relevante : https://www.rcct.tl/konsidera-lia-falsu-lamesak-sei-levanta-kazu-desfamasaun-ba-nia-liu-husi-video-neebe-viral-iha-facebook/
Jornalista Moichung
editor : Chamot Nahac
