Covalima (RCCT) 23-01-25-Diretór Servisu Munisipal Saude Akompaña Sekretariu Munisipal Asuntu Sosiais no Organizasaun Komunitariu hodi halo observasaun ba konstrusaun edifisiu postu saude Beiseuk, Tilomar.
Notisia Relevante : https://www.rcct.tl/postu-saude-beiseuk-ameasa-monu-impaktu-husi-rai-halai/
Edisifiu Postu Saude Beiseuk konstrui husi Kompañia CARAME Unip.Lda hahu iha loron 18 fulan augustu 2021 no termina iha 17 fulan febreiru 2022 ho montante osan dolar amerikanu ribun atus rua sia nulu resin lima, atu hitu ulu nulu resin lima, sentavus hat nulu resin rua ($ 295,785.42).
“Ohin mai iha ne’e ha’u rona informasaun balu katak sasan balu iha ne’e la iha ona, durante ne’e ha’u mai liu deit tanba xave la iha,maibe ohin ha’u konfirma ha’u nia Xefe Programa dehan diretor sasan balu keta iha uma laran la iha ona ho ida ne’e mak ha’u konfirma ita nia PAM Covalima, pois PAM Covalima Orienta Kedas ami rua ASOC para mai hare tuir sasan saida saida mak iha laran ne’e.” Diretór Servisu Munisipal Saude ko’alia iha Sentru Saude Beiseuk Tilomar.
“Ohin mai hare sasan ne’e, sasan sira ne’ebe ohin hare ne’e, oras ida ami sei relata ba ita PAM, depois mak bele foti desizaun, atu foti ka la foti ne’e PAM mak iha kompetensia tomak” Domingos hatete.
Domingos hatutan “Durante ne’e Ministeriu mai hare ona sira hatete deit katak uma ne’e la serve ona atu hela, uma ne’e tenki sobu ou halo destroi, labele uza uma tolu ne’e, tanba agora ita halo hela mapamentu ba ministeriu saude, depois ha’u sei intrega ba PAM hodi bele hare tuir” Tenik Domingos.
Lee tan : https://www.rcct.tl/povu-la-utiliza-postu-saude-postu-saude-beiseuk-tan-governu-hatur-iha-rai-dodok/
Depois Kompañia CARAME Unip, Lda finaliza konstrusaun Edifisiu Postu Saude Beiseuk, Tilomar, lakonsege intrega tanba uma ne’e nia Alicerse (dasar) nafera nune’e la utiliza to’o agora hamotuk ho sasan sira mak hanesan alamariu, kadeira sofa jogu rua, spring-beg, kama no seluk tan.
Jornalista : Alfredo Barreto
Editor : Chamot Nahac
