Covalima (RCCT) 20-01-25- Tuir dadus husi Servisu Munisipal Agrikultura Munisipiu Covalima iha tinan 2024 Komunidade Argrikultor sira utiliza ona rai hamotuk hektares rihun hitu resin hodi halo to’os no natar nune’e bele bele ba hasa’e produsaun rai laran.
Xefe Departamentu Programa no Extensaun Agricola Munisipiu Covalima, Filomeno Saldanha, relata, maske Agrikutor sira utiliza rai hetares rihun hitu resin hodi halo to’os no natar maibe rezultadu koilleta iha tinan 2024 menus kompara ho rezultadu koilleta iha tinan 2023.
“Dadus rai iha Munisipiu Covalima liliu hodi halo to’os ho natar, hanesan iha tinan 2024 nia laran total ema kuda hare iha natar hektares 2.960, 8, ba to’os rai maran ka kuda batar iha rai hamutuk hektares 4.778, 78, husi ida ne’e nia rezultadu haree kada hektares ida hetan tonelada 3, 13, batar kada hektares ida hetan tonelada 2.2, nia dehan.
Filomeno afirma katak rezultadu kolleta tinan 2023 as liu, tanba iha tinan 2024, natar hamotuk atus tolu resin iha Postu Administrativu Zumalai labele halo koilleta tanba impaktu husi irigasaun mola kotu.
“ Husi rezutaldu ne’ebé hatudu iha 2024 nian ne’e iha Postu Administrativu Zumalai iha rai hektares atus tolu resin maka labele koilleta haree tanba irigasaun husi Mota Mola ladi’ak ho fo impaktu labele halo bee halai tama ba iha natar laran ho di’ak ne’e maka iha tinan ida nia laran natar hektares atus tolu resin iha Suku Raimea labele koilleta, ne’ebé ninia produsaun ba tinan 2024 menus liu kompara ho tinan 2023 nian” nia dehan.
Enkuantu iha tinan 2024 nia rai ne’ebé kultivasaun iha Munisipiu Covalima iha hektares rihun hitu resin, no planu ba iha tinan 2025 nia haluan tan hodi utiliza rai ne’ebé abandona hodi hasa’e produsau iha rai laran.
Jornalista : Julio Salinas
Editor : Chamot Nahac
