Covalima (RCCT) 29-12-24-Sabadu Loraik (28/12) hale’u oras tuku lima liu minitu tolu nulu resin, kareta estadu EDTL.Ep iha Munisipiu Covalima ho sapa matrikula A.29577 soke Uma Lisan, Munu Uman Fau Lulik iha Suku Suai Loro, Postu Administrativu Suai, Munispiu Covalima.
Insidente ne’e akontese wainhira teknika EDTL,EP Covalima ho Naran Fernando Amaral konduz kareta refere ba han meidia iha uma, nune’e simu informasaun husi nia kolega servisu katak ba atende fallansu eletrisidade iha diresaun Fider 3, Aranka sai husi uma to’o fatin akontesementu Tekniku ne’ebé kondus kareta dulas bolante la hetan mak kareta halai los ba soke Uman Fau Lulik rejulata ameasadu atu monu.
“Momentu ne’e ha’u hodi kareta mai han iha uma, pois han hotu ahi mate iha parte fiver tres (3) entaun kolega sira husu ajuda atu apoiu, ha’u mos foti kareta aranka sai husi lokasi ha’u nian ne’e sai ba, atu ba to’o iha kurba ne’e liliu uma lisan nian ne’e derepenti ha’u hakfodak atu buat lulik avo sira nian ne’e mak ha’u hasoru ida ne’e, ne’ebé kareta ne’e ha’u dulas bolanti ne’e ha’u baku ba sorin, baku la hetan no kareta halai ba los hodi soke uma lulik ne’e” Kondutor kareta Edtl.Ep Fernado Amaral, Konta.
Lia Na’in husi Uma Lisan Munu Uman Fau Lulik, Domingos Madeira Leki, husu Tekniku EDT,EP Covalima ne’ebé kondus kareta ne’e atu responsaveliza hodi hadi’a fali Manu Uman Fau Lulik.
“Akontesimentu ne’ebé mak ita hare ho matan ne’e, maski nia atu lanu ka la lanu mos ida ne’e kestaun ketak ida, maibe horikalan ha’u ko’alia ho katuas adat sira ho Xefe EDTL.EP mos mai konsege ha’u hato’o problema akontese ne’e,ha’u dehan provisoriamente hakarak ka lakoi aban ne’e emi tenki responsabilidade ba airin ne’eb’e mak tohar no ai ne’ebé mak monu entaun ho ida ne’e horikalan ha’u hatete ba sira ohin ne’e sira dezaraska hare ai rin balun atu hodi kalsu sementara , depois ba oin ne’e ha’u hatete ba sira katak ami nia uma adat ne’e kondisaun di’ak hela depois foin lalais fulan ida rua liu ba ami halo lia bo’ot ida iha ne’e kuaze fulan ida ami halot malu iha ne’e ulun ain, tamnba saida mak ulun ain, tanba la to’o ne’e mak ami ulun ain no ami konsege hadi’a hotu uma ne’e, tanba ne’e mak ami nia katuas adat sira nia hakarak ne’e tenki, hakarak ka lakoi fulan agustus ne’e tenki halo renova foun” Domingos Madeira dehan.
Entretantu to’o Notisia ne’e publika kareta EDTL.EP Covalima ho sapa matrikula A.29577 ne’e seidauk bele hasai husi uma okos,basa wainhira hasa’i maka Manu Uman Fau Lulik sei monu tun liu ba rai no la apreveita total ona uma lisan ne’e.
Jornalista : Alfredo Barreto
Editor : Chamot Nahac
