Covalima (RCCT) 14-12-24 Governu liu husi Sekretaria Estadu Arte no Kultura (SEAK) komemora loron nasional tais bada III iha Munisipiu Covalima ho nia tema “mai ita hamutuk hodi promove tais hanesan ita nia Identidade Kultural”.
Apoiu husi soru na’in sira nia vontade hodi tane nafatin eransa kultural ne’ebé beiala sira husik hela, nune’e governu halo servisu konjuntu ho parseiru sira, konsege atinje objetivu promove tais nu’udar identidade património kultural Timor nian, ne’ebé konsege registu iha UNESCO no ikus mai bele sai Patrimoniu Mundial ba tais no Timor ma sai nudar na’in.
Tanba ne’e Sekretariu Estadu Arte no Kultura Jorge Soares Cristovão enkoraja soru na’in sira atu kontinua fahe esperensia ne’ebé iha ba jerasaun foun sira hodi diversifika mos ekonomia familia.
“Husu atu kontinua atu valoriza ita nia identidade ne’ebé mak bei ala sira husik hela, tanba kultura nudar fator ida ne’ebé mak bele atrai turistika sira, tanba ida ne’e mak papel importante ba governu atu prezerva ita nia identidade sira ne’e” Governante ne’e dehan.
Partisipa Komemorasaun ne’e, Prezidente Autoridade Munisipiu (PAM) Covalima Miguel Armada Cardoso “Razão”, manifsta katak tais ne’e beiala sira rai hela, nudar riku soin, tan ne’e foinsa’e sira tenki promove nafatin tais, aprende barak liu tan husi inan soru na’in sira,tanba estadu mos sei apoiu hodi komunidade soru na’in sira atu mantein promove tais nudar identidade kultura timor nian iha mundu internasional.
“Ita nia identidade hirak ne’e labele lakon identika ho ita nia an rasik atu bele atria ema estranjeiru sira bele hare katak ami nia identidade mak ida ne’e, liu husi planu ne’ebé kapas hodi iha nia kontinuasaun” PAM Covalima dehan.
Entretantu iha komemora loron nasional tais iha Munisipiu Covalima ne’e partisipa husi inan soru na’in sira husi Munisipiu Dili, Ermera, Manatutu no Inklui soru na’in sira husi Reziaun Adinistrativu Oecusse Ambenu (RAEOA).
Iha komemorasaun ne’e Sekretáriu Estadu ba Arte no Kultura (SEAK), Jorge Soares Cristovão, hamutuk ho Autoidade Covalima, Bainaka sira inklui Komunidade no soru na’in sira hatais uniforma Taís la’o ain ou halo parada kultural hahu husi Admnistrasaun Munisipiu Covalima, to’o Salaun Kobek iha Ahi-Narai, Suku Debos, Postu Admnistrativu Suai.
Sekretária Estadu ba Arte no Kultura (SEAK), komemorasaun ba loron Nasional Taís ba dala Tolu, iha Munisipiu Covalima ho ho atividade semináriu kona-ba Taís, Parada kultura uza uniformes Taís hodi lao ain hahu husi Admnistrasaun Munisipiu Covalima to’o Salaun Kobek iha Aldeia Ahi Narai, Suku Debos, Postu Admnistrativu Suai ne’ebé partisipa mos husi SEAK, Prezidente Autoridade Munisipiu Covalima, Membru Parlamentu Nasional Komisaun D, Autoriedade Seguransa, Autoriedade lokal, Reprezentante UNESCO, Reprezentante UN-WOMEN, Reprezentante Fundasaun Alola, Asosiasaun Soru na’in sira, Komunidade no konvidadu sira hotu.
Jornalista : Alfredo Barreto
Editor : Chamot Nahac
