Covalima (RCCT) 26-11-24- Prezidente Autoridade Munisipiu (PAM) Covalima, Miguel Armada Cardoso (Razão) Aprezenta kondisaun iha Halis Au laran, Suku Lalawa, Postu Administrativu Tilomar liga ba iha Postu Administrativu Fohorem no Fatumea, ba Ministru Obras Públika Samuel Marçal atu bele tau mos planu no atensaun ba eatrada refere tanba durante ne’e kondisaun Estrada at sempre prezudika movimentasaun transporte no ema iha tempu udan.
PAM Miguel Armanda Cardoso, satia governu liliu ba MOP atu bele tau atensaun ba estrada iha Au laran parte Halis nian, tanba iha tempu udan movimentasaun transporte publiku susar tebes atu halo untrapasa husi bam ai Suai-Tilomar-Fohorem no Fatumea.
“Iha biban ida ne’e ami satia nafatin ba ministru tanba dalan uniku maka ami tenke satia ba, tanba fatin balu hanesan estrada rural ho seluk tan bele la’o ona, importante ida ne’e mos bele la’o ona fatin seluk maka hanesan ohin Sua exelencia rasik ba ona hare dalan iha au laran Tilomar nian liga ba Fohorem, Fatumea ne’e kuandu udan ona ami araska, ne’ebé ami aprezenta netik ba Ministru atu tau matan nafatin ba ami nia dalan ida ne’e” PAM Covalima hato’o lia hirak ne’e ba MOP hafoin partisipa serimonia lansamentu Primeiru Pedra ba Ponte Mali-Loek iha Aldeia Sanfuk, Suku Kamanasa, Postu Administrativu Suai, Sesta (22/11).
Hatan ba preokupasaun ne’e Ministru Obras Publiku, Samuel Marçal espera iha tinan 2025 bele halo ona lansamentu ba Estrada ligasaun Kasa mai Zumalai, no bele halo ona dezeñu ba estrada Tilomar liga ba Fohorem no Fatumea nune’e iha tinan 2026 bele realiza ona konstrusaun.
“Ha’u espera katak iha tinan 2025 mai ne’e ha’u bele mai fali hodi tau tan fatuk ba estrada husi Kasa mai to’o iha Zumalai, no mos iha Suku Belekasak ba Maukatar, maibe ba estrada ligasaun Postu Tilomar ba Fohorem ami sei esforsu para iha tinan 2025 bele halo preparasaun dezeñu hotu 2026 ita bele asina kontratu” dehan MOP.
Enkuantu MOP Samuel Marçal informa katak tuir planu governu nian, iha tinan 2025 bele ona halo lansamentu ba Estrada ligasaun Ainaro, Kasa ba Zumalai maibe no estrada ligasaun Suku Belekasak ba Postu Administrativu Maucatar, maibe estrada ligasaun Tilomar ba Fohorem no Fatumea, governu liu MOP sei esforsu hodi halo preparasaun dezeñu nune’e iha 2026 bele asina ona kontratu ho kompañia Implementador sira.
Jornalista : Julio Salinas
Editor : Chamot Nahac
