Nia Mak Clementina Fátima da Costa Araújo (Alou), moris iha loron 21 fulan Março 1990, ne’ebé funda media Orluli News iha tinan 2021.
“Ha’u gosta Jornalista tanba inspirador mai husi ha’u nia pai, momentu ne’ebá nia hanesan Jornalista iha RTTL, bainhira nia hakerek notisia ha’u gosta akompaña, no koñese hakerek notisia no halo reportajen husi ha’u nia Pai” Esplika Alou ba Ekipa Formandus Training 4 iha FMDC, Via Telefone (21/07).
Ho motivasaun no konsidera nia pai hanesan lalenok, mosu ideia briliate ba Alou hodi funda Media Oline Orluli News.
Alou Konta kona-ba harii media lian orluli atu sai lian ba feto sira iha munisipiu Ainaro atu sai lian ba feto sira hodi hato’o sira-nia hanoin hodi empodera Feto no Joven feto sira iha area rural atu sai potensia no la inferior ba mane sira.
“Orluli News mak Mídia Online ne’ebé Hari’i husi Grupo Feto Foinsa’e sira iha tinan 2021, Ha’u mak hanesan Fundador, Orluli news ne’e atu sai hanesan lian ba feto sira iha Munisipiu Ainaro” tenik nia.
Oras ne’e iha Orluli News hamutuk funsionariu no voluntariu ema na’in sia (9) kompostu husi feto hitu (7) no mane rua (2).
Alou Fundamenta, Funsionariu Voluntariu hamotuk Na’in 9 ne’ebe durante fo dedikasaun ba motor funsionamentu Orluli News, dadaun ne’e seidauk hetan bensimentu/Salary, maibe Orluli News fo deit fee ba transporte no osan pulsa, engkuantu ida la’os kada fulan, maibe dala ruma de’it.
Sara Maria Fatima, nudar funsionariu, konfortabel ho amebiente servisu iha Orluli News ne’ebé fo mahon ba nia hodi hato’o informsaun ba feto maluk sira iha area rural liu husi publikasaun ne’ebé sira publika iha Lia Orluli.
“Ambiente servisu iha Media Lian Orluli halo ha’u konfortabel, tanba hanesan mahon ba ami no kapasita ami joven sira, aprende kona-ba servisu media nian hodi publika informasaun ne’ebé keredibel no loos ba feto sira iha Munisipiu Ainaro.” Katak Sara
Nune’e mos, Norvia Amelia Ramos nudar funsionariu Voluntariu iha orluli News, Konfesa, maske infrenta difikuldade durante hala’o kna’ar, maibe ne’e la sai hanesan bareira atu impede sira-nia kareira hodi alkasa susesu ba sira-nia servisu.
“Ami la’o tuir natureza iha Media Orluli tuir ambiente ne’ebé iha, talves ami hasoru difiluldade, maibe ami sempre kompleta malu hodi taka frakeza ne’ebé ami iha” Nia Manifesta.
Iha sorin seluk, Diretora Fundasaun Nafofila Maria Madalena da Silva Barros, Konsidera izistensia media Orluli News iha Ainaro hanesan pasu importante atu promove feto sira hodi empodera an ba servisu no bele hatutan feto sira-nia lian liuhosi publikasaun notisia kona-ba ba feto no labarik feto sira.
Diretora Nafofila ne’e informa husi nia kna’ar fatin iha Ainaro, via telefone ba Formandus Training 4, dehan Media Orluli News mos fo espasu ba Joven Feto sira atu aprende iha area jornalismu nian.
“agora dadaun ami nia voluntariu feto ida mos ba aprende iha lian orluli atu hatene kona-ba jornalista, nia fila mai iha ne’e bele uza ami nia kamera sira iha ne’e, hodi foto, no hakerek kona-ba ami nia atividade depois bele publika” Diretora Fundasaun Nafofila ne’e dehan.
Media Orluli News sei nafatin defende no sai lian ba feto sira iha area rural, liu-liu iha munisipiu Ainaro
Tanba ne’e, Fundador Orluli News, Clementina Fátima da Costa Araújo (Alou) haruka semo nia mensazen ba feto maluk atu nafatin iha vontade hodi aprende no labele moe husu buat ne’ebé lahatene, no nafatin enkoraja feto maluk sira sai kualifikada hodi partisipa iha dezenvolve nasional.
“Ekipa Kobertura”
