Iha Mandatu Nonu Governu Konstituisional nian sei tau prioridade liu ba iha dezenvolvimentu ekonomia, tan ne’e governu liu husi Ministeriu Komersiu Industria konsidera parseiru importante ida maka Camra Comersiu Industria (CCI).
“Vizita traballu ida ne’ebé maka ita halo para atu fahe informasaun liliu maka politika nonu governu konstituisional ligadu ho dezenvolvimentu ekonomia haree katak parseiru importante ida maka karma komersiu industria, ne’ebé ita hahu ho dialogu ida, tanba ita iha hanoin tenke iha dialogu permanente ho setor privadu sira ne’ebé ita hahu husi Covalima” informa Ministru Comersiu Industria Filipus Nino Pereirra ba jornalista sira hafoin remata sotumutu ho setor privadu no CCI-Covalima iha Hotel Joia Kamanasa Sabdu fin de semana foin lalais ne’e.
Nia afirma Governu ida ne’e mos sei tau atensaun hodi hadi’a kondisaun merkadu fronteira, merkadu rejional hodi bele hadi’a ekonomia Povu nian .
“Ohin ko’alia kona ba merkadu fronteira, merkadu rejional iha munisipiu ne’e rasik, atividades komersial husi ita nia negosiante sira, atividade komersia illegal balun ne’ebé mak la’o hela iha munisipiu Covalima hanesan tuir informasaun katak foin lalais prende mos kareta balu ne’ebé maka halo atividade ilegais” nia haktuir.
EntertantuRemata enkontru ho setor privadu no Camra Comersiu Idustria Munisipiu Covalima, Ministru Komersiu Industria Filipus Nino Pereirra, kontinua hala’o vizita ba iha loja do povu ne’ebé estabelese iha Covalima no kontinua vizita Fronteira Salele, Tilomar.
Jornalista : JS
Editor : CN
