Lidera formatura ne’e Komandate PNTL Covalima, Superintendente Polisia Calisto Gonzaga orienta membru sira kuaidadu no atensaun ba frade sira ne’ebé mosu iha sentru votasaun nune’e polisia bele foti medida imediata ba krimi eleitoral sira ne’ebé mosu.

“Saida mak ita atu halo iha sentru votasaun, ida mak kuidadu ba fraude ne’ebe mak iha sentru votasaun, kuidadu ba opstutasaun ba ema kandidatu sira, ita kuidadu ba ema halo perturbasaun ba ema ne’ebe iha sentru votasaun, ita kuidadu ba violasaun ne’ebe bele akontese iha sentru votasaun no kuidadu ba rekuzasaun ba iha sentru votasaun, krime eleitoral ida ne’ebe maka polisia presija hola medida fasparte kontra hisi Administrasaun eleitoral, maibe krime eleitoral ida ne’ebe maka polisia tenke foti medida imediata iha sentru votasaun ne’ebe besik iha fatin sira ita nia eleitores sira mai atu hato’o ninia direitu hodi hili lider iha nivel suku nian” informa Komandante PNTL Munisípiu Covalima Superintendente Polisia Calisto Gonzaga iha nia diskursu hafoin formatura jeral ba preparasaun eleisaun orgaun suku ba segundu ronde, ne’ebe hala’o iha kazerna PNTL Munisípiu Covalima Sabadu ne’e.

Komadante munisipiu Covalima ne’e mos informa konaba despaixu kolokasaun ba membru polisia sira iha kada sentru votasaun depende ba meius sikuritaria no distasian, nune’e husu ba ofisal no lideransa sira atu mantein disiplina iha ida idak nia area kontrollu.

Munisipiu covalima hetan apoiu ba intrevensaun rapida husi polisia batalaun manutensaun ordem publiku no mos kompanya operasaun espesial.

“Depende ba despaixu operasaun ita koloka balu ida-ida balu rua depende meius kondisaun ba sirkutaria no mos fatin ne’ebe do’ok, iha parte seluk ita mos iha grupu intervensaun rapida batalaun manutensaun ordem publiku no mos husi kompañia operasaun espesial, grupu tolu ne’e mak halo intervensaun rapida, ba ofisial no lideransa sira ka responsavel sira hotu-hotu mantein ita nia disiplina, kontrolu komando ida-idak iha nia area kontrollu” Komandante dehan.

Entretantu Komandante PNTL Covalima Calistro Gonzaga husu ba membru Polisia sira atu hatudu neutralidade hanesan aparelu estadu hodi hatudu funsaun atu garantia demokratizasaun hahus husi nivel aldea, suku to nasional.

Jornalista : Julio Salinas

Editor       : Chamot Nahac