.png)
Covalima (RCCT) 29-01-2024—Durante tinan tomak ida nia laran hahu husi fulan Janeiru to’o Dezembru 2023 Servisu Floresta Munisipiu Covalima rekolla osan ho montante $ 17.900,5.
Xefe Delegasaun Teritorial Floresta Munisipiu Covalima, Domingos Gusmão, hatete iha tinan 2023 Floresta Munisipiu Covalima rekolla reseitas liu husi kompaña sira ne’ebé hasai lisensa negosiu ba ai teka.
“Tinan ida ne’e ita hetan reseitas ba ai teka ho montante Dolar Amerikanu rihun sanulu resin hitu atus sia sentavus lima ($ 17.900,5) ne’e ba tinan 2023 nian hahu husi fulan Janeiru to’o Dezembru, osan sira ne’e ita hetan husi pengusaha sira ne’ebé sosa ai teka no fa’an fali hodi hatama reseitas ba estadu, ida ne’e sira uza komersial business ai entaun sira tenke selu taxa ba estadu, ai sira ne’e husi komunidade nian duni mais tanba kompania maka sosa sira tenke selu taxa ba estadu” Xefe Delegasaun Teritorial Floresta Munisipiu Covalima, Domingos Gusmão, dehan ba RCCT iha nia knar fatin Floresta Munisipiu Covalima Segunda (29/01/2024).
Xefe Delegasaun Teritorial Floresta Munisipiu Covalima, Domingos Gusmão afirma, durante ne’e Floresta Covalima rekolla reseitas mai husi ai teka deit maibe rekolla reseitas husi ai miis no mos ai sunu ne’ebé sidadaun sira hili.
“Ita nia reseitas ai teka deit ita seidauk rekolla hanesan ai miis sira ne’e uza ba sunu ne’e seidauk iha, hanesan mebel ne’e ita seidauk iha, maibe ita rekolla husi kompaña sira ne’ebé halo bisnis ba ai teka, iha tinan 2023 ne’e ita seidak halo lelaun ba ai sira, tanba ha’u mos foin tama halo fulan 3 ho balun ne’ebé ha’u seidauk halo lelaun ba ai sira, depois ai sira ita atu halo lelaun mos laiha ,tanba ai sita mos laiha, ai teka sira ne’ebé ita hetan reseitas husi kompaña sira ne’e kada kubik ida sira selu reseitas ba estadu ho montante $ 25.00 husi ida ne’e mak iha tinan ida nia laran ita hetan reseitas ho montante $ 17.900,5 ida hanesan ne’e” nia dehan.
Tuir Xefe Delegasaun Teritorial Floresta Munisipiu Covalima, Domingos Gusmão katak, durante kompaña sira ne’ebe foti lisensa negosio ba ai teka ne’e selu rasik osan iha banku mak intrega resivu ba Floresta Covalima.
Jornalista : Julio Salinas
