Covalima (RCCT) 29-01-24-Mate Restu Atanasio da Costa Martins “Ato” iha Akontesementu Moruk loron 6 fulan setembru tinan 1999 iha Igreja Suai ne’ebe rezulta Na’i Lulik na’in (Amo Hilario Madeira, Padre Francisco Soares, no Padre Tarcisio Dewanto) tenki hakotuk pregrinasaun iha mundu hamotuk ho sarani lubuk ida tanba hakarak ukun rasik an, tanba ne’e Ato husu ba Covalima oan sira atu labele inventa istoria konaba Amo na’in 3 nia mate iha igreja suai.
Atanasio da Costa Martins “Ato” dehan ba Covalima oan sira ne’e ladun apar ho situasaun iha tinan 25 liu ba, partikularmente konaba akontesementu iha igreja suai liu liu labele inventa istoria konaba amo na’in nia mate wainhira la infrenta direta situasaun asasinadu iha tempu ne’eba.
“Husu ba Maluk sira, dala ruma la apar ho situasaun labele inventa hodi konta istoria, konta buat ne’ebe ita nia tilun rona direta no matan hare, labele kahur ba mai, liu liu atu konaba amo na’in tolu nia mate karik labele konta tutan, konta deit buat ne’ebe hare ho matan, rona ho tilun rasik, labele inventa” Dehan Ato iha Studio Radio Comunidade Cova Taroman Segunda (29/01) wainhira priensa programa konaba hatene istoria konaba Amo Na’in tolu nia mate iha Igreja suai.
Nune’e Ato husu ba Foinsa’e Covalima oan sira atu labele gasta ne’ebé ba buat ne’e la fo valor ba moris, nia motivu foinsa’e sira atu gasta tempu barak liu ba eskola hodi estuda tanba dezenvolvimentu nasaun ne’e presija foinsa’e ne’ebé matenek.
“Husu ba Foinsa’e sira atu respeitu malu, lalika gasta tempu ba buat ne’ebé la vale, hare ba eskola, hodi servisu, tanba nasaun persija ema ne’ebe matenek,” Tenik Ato.
Engkuantu Mate Restu Atanasio da Costa Martins “Ato” Orijin husi Munisipiu Ermera, hanesan mos sibrinu husi Maktoban Amo Hilario Madeira, ne’ebé iha tempu okupasaun hela ho Amo Hilario iha Igreja Suai to’o Amo termina nia Pregrinasaun moris ho obrigatoriu husi Milisia Asasinadu sira nia liman iha Loron 6 Fulan Setembru 1999.
Ato mos sura hanesan ema ida ne’ebé sai sasin ba Amo na’in tolu (Amo Hilario Madeira, Padre Francisco Soares, no Padre Tarcisio Dewanto) no Sarani lubuk ida nia mate iha Igreja Suai.
Jornalista : Julio Salinas
Editor : Chamot Nahac
