Covalima (RCCT)-25-01-21- Relasiona planu Ministerio Edukasaun Joventude no Desporto (MEJD) nebe atu halo rekrutamento ba professor permanente 900 resin iha territorio Timor Leste maka, servisu Municipal Edukasuan Covalima oras ne’e dadaun halo hela preparasaun hodi idetifika profesores kontratadus sira nebe durante ne’e hanorin iha Ensino Basiku sira hodi bele konkore iha vaga refere.
Ba RCCT Segunda Feira (25-01-21), Diretur Servisu Municipal Edukasaun Municipio Covalima Edmundo Ferreira hateten, ba dadaun ne’e Edukasaun Municipio Covalima halo hela prosesssu identifikasaun ba professor sira iha Ensino Basico nune’e hodi hatan ba despaicho nebe atu mai husi Ministerio Edukasuan.
“ Dadaun ne’e ita identifika hela Professor na’in hira maka mate ona, sura husi 2004 mai to agora, no hira maka transfere ba Ministerio seluk, nomos hira maka moras permanente hanesan (struck) depois mak ita halo relatorio baseia ba nessesidade atu rekruta preofessor 900 resin ne’e, Covalima atu hetan hira, ne’e para despaicho ruma tun mai ita bele kedas resposta ” Dehan Diretor Edukasaun Munisipio Covalima iha nia kna’ar fatin.
Diretur Edmundo hatutan ba dadaun ne’e sei identifika deit Professor sira iha Ensino Básiku, ba Ensino Pre-Eskolar no Ensino Sekundário ho Eskola Téknika Vokasional seidauk iha orientasaun hodi bele halo identifikasaun.
“Ami sei focus ba Ensino Básiku, Ensino Pre-Eskolar no Ensino Sekundario ho Téknika Vokasional sira ne’e seidauk iha orientasaun atu halo identifikasaun, maibe politikamente ita hein desizaun Ministerio Edukasaun ” Edmundo Salienta ba Jornalista RCCT.
Relasiona identifikasaun dadus ba professor Ensino Basiku sira ne’e iha Covalima ne’e ba Jornalista Rcct Diretur Edmundu Ferreira seidauk bele fo sai total dadus kona profesores kontradu nain hira mak iha Covalima tanba sei iha prosesu nia laran.
Jornalísta : Tynho Gusmão & Je Ferreira
Editor : Chamot Nahac
