Covalima (RCCT) 18-01-21- Eskola Sekundaria Jeral Publiku (ESGP) de Suai aplika regras protokolu husi saude mundial kona ba prevensaun Covid-19 iha eskola.
Regras nebe ESGP-Suai Aplika ba Profesores no Estudantes sira mak hanesan; ema hotu hotu inklui profesores no alunus hotu iha Obrigatoriu tenke uza Maskra hodi taka inus no ibun, aleide ne’e molok tama iha area eskola ninia obrogatorio mos ba hotu hotu tenki hasai temperatura iha Portaun boot Escola nian antes tama ba Resintu Escola, no mos hotu-hotu tenki fase liman ho sabaun nebe escola prepara ona.
Ba Radio Cova Taroman Xefe Gaveneti iha ESGP Suai Calistro Leite Gusmão Informa ESGP hahu aktividade Eskolar Segunda Feira (18-01-21) ho halo re-inskrisaun ba estudante 2oAno no 3oAno, no mos halo orientasaun de Edukativu ba estudante foun sira maibe Eskola mos Aplika regras saude mundial nian ba estudante no Profesores sira inklui ba Bainaka sira nebe mai ESGP nune’e bele halo prevesaun ba Covid-19.
“Aktividade escolar iha ESGP ami hahu ohin, no ami mos Aplika regras prevesaun Covid-19 atu ema hotu hotu bele kumpri, ba sira nebe la kumpri regra sira hanesan tenki Uja Maskra, Faseliman ho sabaun, no halo distansia sosial mak ema sira ne’e, sei haruka fila ba uma ka ba buka Projemplo Maskra depois mak mai fali eskola.” Katak Calistro Ba Radio Cova Taroma, Segunda Feira (18-01-21)
Xefe Gaveneti ESGP-Suai Calistro Fundamenta, kona ba aktividade orientasaun ba estudante foun, ESGP fase estudante sira grupo dader no grupo loraik, no iha aktividade orientasaun edukativo ne’e estudante sira sei fahe ba kada sala nebe kada sala sei akumula deit ema nain 20 hodi rona palestra nebe ho tema oio oin durante semana ida nebe hahu segunda feira (18-01-21) no sei remata iha sexta feira (22-01-21).
“Estudante Foun nebe mai rejisto iha ne’e hamotuk 811, nebe ami fahe ba grupo rua, balu mai dader, balu mai loraik, nune’e ema hotu bele nafatin kumpri regra nebe saude mundial fo sain ona, ami iha sala 19 nebe estudante foun okupa hodi halo aktividade orientasaun, nebe hahu dader tuku 8:00 to’o meidia tuku 12:00, no meiudia hahu tuku 13:00 to’o tuku 17:00 OTL.” Calistro Esplika.
Tuir Informasaun ne’e RCCT hetan husi xefe Gaveneti ESGP-Suai Caslitro leite Gusmao katak, Ema hotu hotu nebe tama iha resinto ESGP-Suai tenki Kumpri regras protukolua nebe fo sai husi Saude Mundial nebe ESGP-Suai Aplika iha oras Aktividade eskolar ninian.
Chamot Nahac nia reportazen
