COVALIMA RCCT-Sexta Feira (20-11-20) Komando PNTL Municipio Covalima hamotuk ho F-F-FDTL postu Tilomaar hala’o engkotru iha salaun Quarter Jeral PNTL Covalima hodi avalia servisu nebe komando 2 ne’e hala’o durante ambito covid 19.
Hafoin remata avaliasaun ne’e Komandante PNTL Municipio Covalima Super-Intendente Antonio Maria de Sa liu husi intervista ho Jornalista hateten, avaliasaun ida ne’e hala’o kada fulan atu hodi bele hatene progresu servisu entre komando rua relasiona ho asuntu siguransa iha Covalima.
“ Enkontru ida ne’e hansan babain, kada fulan ita sempre hala’o hodi halo avaliasaun ko naba aktividades nebe maka instituisaun rua ne’e hala’o iha Municipio Covalima liu-liu iha area fronteira.”
Komandante Antonio Fundamenta objetivu husi atu hodi hatene mos progresu servisu ne’e Komandu rua ne’e halo ona durante fulan ida nia laran,
“objetivo husi enkontru ne’e atu hatene os progresu servisu sira hotu, atu bele hatene atividades saida maka la’o ho di’ak no saida maka la’o ladun di’ak nune’e ita bele buka solusaun, para ba oin ita nia servisu bele la’o ho di’ak” Dehan Comandante PNTL Municipio Covalima Antonio Maria de Sa.
Comandante PNTL Municipio Covalima ne’e konsidera liu husi komando rua nia sevisu makas mak ohin loron Monicipio Covalima konsege kria situasaun nebe hakmatek liu liu iha area linha fronteira.
“Situasaun nebe mak hakmatek no paz iha rai laran, liu-liu iha Fronteira tamba servisu maka’as entre komando rua(PNTL noF-FFDTL), tamba normalmente lutu nasaun ne’e tenke forte liu husi instituisaun rua ne’e,”
Tan ne’e Komandate PNTL Covalima husu ba F-FDTL Tilomaar, no maluk PNTL sira hotu ita kontinua servisu hamutuk hodi proteje ita nia komunidade sira, liu-liu iha linha Fronteira katak Comandante PNTL Antonio Maria de Sa.
Entertanto iha avalisaun ne’e, partisipa husi komandante Polisia eskuadra posto 7, no partisipa mos husi forsa F-FDTL Posto Tilomar, Unidade Polisia Maritima, UPF no BOP.
Jornalista RCCT : Tynho Gusmão
Editor : Chamot Nahac
