Covalima RCCT -04-11-2020- atu komemora loron Juventude Nasional no Masakre Santra Cruz, Comisaun organizadora ba eventu ne’e realiza Marçada Paz hale’u kapital Municipio Covalima
Tuir Xefe Komisaun Organizadora ba evento Komemorasaun loron Masakre de Santa Cruz no Komemorasaun Lon Juventude Nasioanal iha Covalima, Jenilton Maya Soares hateten , realiza Marça Saudavel atu halibur juventude sira hodi hatudu sira nia abilidade no paz no juventude rasik bele senti mos ambiente komemorasaun loron juventude ne’e no mos ambiente komemorasaun masakre santa kruz.
“Marça Saudvel nebe ohin halo ne’e ho objectivo atu juventude sira bele hamutuk, hodi nune’e juventude sira bele hatudu sira habilidade no paz iha momento ida ne’e no mos bele senti ambiente ba komemorasaun ne’e.” dehan Xefe Komimisaun Organizadora Jenilton Maya ba Jornalista hafoin remata Marça Saudavel Kuarta (04-11-20).
Xefe Komisaun Organizadora Jenilton mos informa aliened atividades marça saudavel ne’e, sei iha mos aktividade seluk hanensa sertame, kompetisaun puisia no deskursu iha ambiente 12 de novembro nian, tanba atividade sira ne’e hotu sei konsentra ba Komemorasaun loron 12 de Novembro no komemorasaun loron juventude nasional nian .
“Atividades iha loron hirak nebe mak tuir mai ne’e nafatin ita iha ambiente 12 de Novembro nian,Tanba ne’e atividade sira ne’e hotu sei konsetra iha dia 12 de Novembro hodi Komemora loron Masakre Santa Cruz no mos selebra loron Nasional Joventude ”tenik Jenilson.”
Iha fatin neebe hanesan estudante husi Eskola Secundaria Geral Publica de Suai (ESGP) Julião Correia iha nia itrevista hateten, hanesan jerasaun kontinuador nia parte senti orgulho tebes ho komemorasaun Masakre Santa Cruz o komomerasaun loron Juventude Nasional ne’e.
Nune’e Julião haktenik loron 12 de Novembru hanesan loron ida nebe espesial tebes ba Juventude Timor Oan hotu hodi hanoin fali Juventude sira nebe luta hasoru inimigu iha altura neba tanba husi luta no sakrifisiu nebe sira hala’o mak ohin loron ita goza no hamasa iha independesia ida ne’e.
“ha’u senti orgulho tebes baihira tuir marça saudavel ida ne’e tamba loron ida n’ee especial tebes ba ita nudar juventude Timor Oan hodi hanoin fali ita nia maluk Juventude sira nebe mak luta hasoru inimigo no husi sira nia luta mak ohin loron ita goza, husi sira nia sakrifisiu mak ohin loron ita hamnasa, tanba ne’e ita hanesan jerasaun kontinuador maske ita la luta ba ukun rasik aan ida ne’e, maibe ita tenki luta nafatin ba dezenvolvimentu rai doben ida ne’e” dehan Estudante ESGP Julião Correia.
Tan ne’e Estudante ESGP Julião Correia mos agradese ba heroi sira tanba liu husi heroi ho natureza Timor nian no liu husi sira nia sacrifisiu tomak mak ohin loron ita hotu bele halibur malu .
“ ita hanesan gerasaun kontinuador tenki agradese ba ita nia heroi sira no natureza timor nian tamba liu husi sira nia sacrifisiu tomak ohin loron ita hotu beele halibur malu, ita la iha buat ida atu fo ba ita nia heroi sira ne’e maibe, ita tenki kaer deit prinsipio katak ba Timor nia mudansa sei hahu husi ha’u no ha’u rasik ma sei konta tamba ha’u hanesan jerasaun kontinuador pronto luta ba dezemvolvimento ida ne’e ”hateten Estudante ESGP Julião Correia.
Aktividade Marça Saudavel ne’e la’o hale’u Kapital Municipio Covalima no partisipi maximu husi Estudante sira husi eskola Ensino Baziku, Ensino Sekudaria Publiku no Escola Tecnica Vocasional sira iha Municipio Covalima, inklui mos grupo juventude reliziozas sira hanesan Acolitos, Escuterio no mos grupo juventude Força Humanista Covalima (FHC)
Jornalista : Jhana Cardoso
Editor : Chamot Nahac
