Komunidade uma kain hamotuk 62 iha Bairo Holbelis, Aldeia Roec, Suco Labarai, Postu Administrativu Suai, Municipio Covalima nebe afeita ba faze kontinuasaun konstrusaun Aeroportu Suai Sei sai husi sira nia hela fatin.
Tan ne’e Estadu Persija kria kondisuan nebe di’ak ba familia afetadus hirak ne’e molok kontinua ba faze kontinuasaun konstrusaun Aeroportu Suai ne’e.
Afirmasaun ne’e hato’o husi Management Director Tasi Mane Project (MD-TMP)- Timor GAP Francisco Ferreira hafoin hasoru malo ho familia afeitadus hamotuk nain 62 iha salaun Administrasaun Covalima Quinta Feira (15-10-20).
Diretur Francisco dehan atu solusiona familia afeitadu ba faze kontinuasaun konstruksaun Aeroportu Suai persija mos envolve linha sektorais sira nebe hola parte ba iha projecto tasi mane tanba antes ne’e Timor Gap resjista deit uma kain 62 iha Bairo Holbelis, Aldeia Roec, Suco Labarai nebe afetadu ba faze kontinuasaun konstruksaun Aeroportu Internasional Kay Rala Xanana Gusmão.
“Bazeia dadus sira nebe Timor Gap rekolha Iha momentu neba wainhira halo idetifikasuan ba uma, rai no Propiedades sira ne’e mak, agora planu atu halo fali uma foun ba familia Afetadu sira ne’e.” Dehan Management Director Tasi Mane Project (MD-TMP)-Timor GAP.EP, Francisco Ferreira.
Nune’e Management Director Tasi Mane Project (MD-TMP)- Timor GAP.EP, Francisco Ferreira mos dehan ba familia uma kain foun sira ne’e parte timor gap sei servisu hamotuk ho autoridade lokal hodi buka solusaun diak ba komunidade uma kain foun sira iha tempo oin mai.
Liga ho ne’e Xefe do Suco Labarai, Mouzinho Amaral informa ba Jornalista sira katak programa alargamentu ba konstruksaun Aeroportu Suai ne’e hahu halo levantentu dadau iha 2013-2015 iha Aldeia Roek, Bairo Holbelis, Suco Labarai Hamotuk uma kain 62, maibe sei iha uma kain foun balu nebe afeta mos ba programa faze kontinuasaun konstruksaun Aeroportu ne’e seidauk indetifika tan uma kain hirak ne’e hanesan Familia foun nebe foin hari sira nia uma kain.
“Familia foun sira ne’e ohin ma kami foin hato’o ba Timor Gap, tanba durante 2015 ekipa timor gap nebe toma konta ba bairio foun ne’e, durante paradu, so ohin loron mak foin primeiru fez sira halo engkotru ho autoridade no komunidade, tan ne’e mak ohin ami foin hato’o familia uma kain foun sira ne’e ba governu liu husi Timor Gap”Xefe Suco Mouzinho Amaral, Hakotu.
Tuir inrfoasuan nebe RCCT asesu katak iha Aldeia rua nebe sai afeta ba alargamentu Aeruportu suai, mak hanesan Aldeia Lohorai Suco Matai Postu Admnistrativu Maukatar no Aldeia Roec, Bairo Holbelis, Suco Labarai, Postu Admistrativu Suai, Municipio Covalima.
Jornalista :Lito de Jesus
Editor : Chamot Nahac
