Covalima RCCT-Prijioneiro Franscisco da Cruz ho Idade 40 hakotu iis iha Posu (Be Foer fatin ) iha prijaun Suai.
Tuir kronolojia nebe hatuir husi Ofisial Lojistika Prizaun Suai, Timotio São Gabriel hatete, atende ne’e matebian Franscisco da Cruz fo save armazen gurda nian ba nia kolega Alberto ( Prijioneiro) ho razaun mate bian atu tesi nia fuk. Iha oras tuku 2:00 lorokraik wainhira Guarda Prizaun buka save atu loke Armazen Guarda iha mate bian maibe matebian Francisco laiha fatin.
Tan ne’e Guarda Prizaun sira hahu buka no halo pasa rebista husi Bloku A-C maibe Franscisco (mate bian) laiha fatin sira ne’e. dehan ofisial logistik prijaun suai Timotio Sao Gabriel ba RCCT iha hospital referal Suai bainhira Kareta funerario tula mate isin mai tau iha mortuario hospital referal suai.
“ Kronologia inisio desde meiudia, sinu lian ami loke tia bloku, matebian servisu iha kozinha, buat ne’ebe ami hetan informasaun husi nia kolega ne’ebe atende ami nia fo save ba nia kolega ida naran Alberto, ninia kolega ne’e atende hela gurda sira iha ne’eba, maibe nia hatete ba nia kolega ne’e dehan atu tesi fuk, depois nia sai ba ne’e, hotu ona ami mos la iha buat ida, depois tuku rua meiudia ha’u nia kolega gurda sira buka save, tamba matebian mak kaer save ami nia armazem guarda nian, nemka ami bolu, maibe nia la iha, depois kolega sira mos komesa buka ona maibe nafatin la hetan” ( Timotio São Gabriel esplika )
Timotio kontinua konta kronolozia ne’e katak hafoin halo passa ravista ba bloku a,b,c, lahetan Mate bian, mak sira foin fo hatene ba xefe Prozaun bekora nebe atende servisu balu iha dili no iha tempo ne’e kedas Exefe Prozaun suai liga kedas ba PNTL Covalima tanba deskufia Matebian Franscisco halai sai husi Prizaun Suai, tan ne’e iha munitu balu nia laran deit Ekipa PNTL mos to’o kedas iha fatin akontesimento prijaun suai, maibe antes atu print Matebian Franscico nia foto, tamba deskonfia Franscisco (Matebian) halai sai husi prijaun laran, derepenti iha Guarda ida mai fo hatene dehan sira hetan ona Franscico da Cruz nia mate isin iha Possu laran (Be foer fatin).
“ Ami passa ravista ba prijaun laran, passa ravista ba blok a b c, ami buka kuaze oras ida hansan ne’e lahetan mak ami informaba ami nia director, depois director informa ba polisia, equipa taksfor mos to’o kedan iha ne’eba(Prizaun Suai), depois hodi husu nia foto, tamba deskonfia halai sai, depois foin atu print sai deit, kolega sira hetan ona Matebian nia isin mate iha posso laran.” Timotiohaktuir iha Mortuario Ospital Referal suai depois kareta vonurario tula mate isin Francisco mai iha Mortuario Ospital Suai.
Relasiona ho akontesimento ne’e, ofisial logistik prijaun suai Timotio Sao Gabriel dehan persija halo otopsia ba mate isin hodi nune’e labele hamosu duvida ba parte familia mate bian ninian.
Tanba ne’e husi parte Prizaun ninin intrega tomak ba parte Polisia Investigasaun Covalima hodi kolabora ho familia matebian nune’e bele hare ba Prosesu hotu hodi halo otopsia ba matebian nia mate isin.
“ Bele mos halo autopsia ba mte isin ne’e, atu nune’e familia husi mate isin ne’e labele duvidas ba akontesimento, se lae familia sira bele fo todan fali mai ami, tamba ne’e ami entrega to’o iha nia familia, ninia nessidade kaisaun ka seluk tan prijaun pronto atu prepara buat sira ne’e hotu ” Timotio Haktenik.
iha fatin hanesan diretor executivo Ospital Referal Suai Jose moniz Ferreira afirma, mate isin ne’e husi Munisipio Ainaro no mos wainhira Prizaun suai tranfere mai iha hospital sira la hatama ba iha sala de emrjensia tanba matebian to’o ho kodisaun iss kotu ona.
“ Mate isin ne’e husi Munisipio Ainaro, Flexia, Maubesse nian, tuir informasaun nia monu iha possu be sampa nian, depois sira lori mai husi prijaun ne’e, mate isin mate kedan iha fatin prijaun ne’eba, ne’ebe ami simu deit, maibe la tama ba sala emergensia tamba mate isin ne’e iss la la iha ona, ne’ebe mai ne’e ami tau kedan iha mortuario ne’e ” Dehan Jose Moniz Ferreira.
Liga ba akontesementu Jornalista RCCT tenta atu halo konfirmasuan ho Parte Polisia Investigasaun Covalima, maibe parte Siguransa seidauk bele fo informasaun tanba sei hein Ministru Justisa atu mai here direitamente matebian Francisco da Cruz nia mate isin iha mortuario Ospital Referal Suai.
Tuir informasaun nebe RCCT asesu, matebian Francisco da Crus Inisio tama Prijaun iha Bekora Municipio Dili, no transfere mai iha prijaun Suai iha loron 4 Fulan Abril 2019 liu ba, no Matebian Franscisco, hela deit tinan 2 atu livre husi prijaun Suai, no Matebian mos durante ne’e la iha problema ruma ho nia kolega sira iha fatin refere, no durante iha prijaun Suai matebian halao’o servisu iha kozinha Prijaun Suai ninia.
To’o Notisia ne’e hatun Francisco da Cruz nia Mate isin sei iha Mortuario Ospital Suai, tan sei hein Ministro Justicia atu mai hare direitamente Franscisco Mate Isin hafoin mak intrega ba parte Familia ninian kontinua hare fali ba prosessu otopsio no posesu vuneral ba mate isin.
Jornalista : Tynho Gusmão
Editor : Chamot Nahac
