Covalima-RCCT-Estudante finalistas UNTL na’in 90, husi fakuldade medisina departamento parteira hodi halo estuda pratika ka estaziu iha Municipio Covalima.
Pro Reitor Asunto Administrasaun planu finansas UNTL Jose Honorio da Costa Perreira hateten, estaziadu hirak ne’e sei desloka ba iha Ospital Referal Suai no mos balu ba iha POsto Saude Zumalai.
“ Estudante hirak ne’e sei halo pratika iha Postu Saude Zumalai hamutuk ema na’in 15, no na’in 75 seluk sira sei hala’o sira nia pratika iha Ospital Referal Suai” dehan Pro-reitorJose Honorio da Costa Perreira ba RCCT Tersa Feira (15/09/20).
Pro-Reitor ne’e mos afirma estudante finalista husi Fakuldade medisisa, departamanetu Parteira ne’e sei hala’o estazio iha Munisipio Covalima durante fulan 3.
“ Ami husi UNTL tinan-tinan ami sempre haruka ami nia estudante mai hala’o sira nia estaziu iha hospital Referal sira, tan ne’e iha tinan ne’e ami haruka sira mai tan iha Municipio Covalima, no ha’u agradese tebes tamba Administrador Municipio Covalima, Director Hospital Referal suai, tanba sira hotu hakarak no disponivel hodi simu ona ami nia oan sira ne’ebe mai husi UNTL, hodi hala’o pratika durante fulan 3 nia laran,” Katak Jose Honorio da Costa Perreira.
Tuir Diretor ezekutivu Ospital Referal Suai Jose Moniz Pereira informa atu distribui estudante hirak ne’e ba Posto Saude seluk maibe seidauk iha deskusaun tamba ida ne’e UNTL nia programa rasik.
“sira husi departamentu parteira husi universidade nasional Timor Leste nemak sei fahe ba fatin rua,posto Zumalain estudante 15, Hospital Referal suai sei simu 75 estudante,
atu halo distribuisaun ba estudante sira ne’e ami sei seidauk iha deskusaun,nebe kabe ba universidade nia programa, nun’e sentru saude seluk mos bele hetan estudante estaziado sira ami sei ko’alia atu bele konsidera mos ba posto saude sira seluk ”dehan Jose Moniz Perreira.
Jornalista : Tynho Gusmão
Editor : Chamot Nahak
