Covalima-RCCT-Ministru Administrasaun Estatal (MAE) Miguel Perreira de Carvalho, Inaugura Be’e Mos Ho Sistema Gravitasaun Iha Aldeia Baulela Suco Ogues Postu Administrativu Maucatar.
Relasiona ho ne’e Administrador Munisipio Covalima Afonsu Nugueira Nahak afirma, iha Munisipio Covalima agora dadaun komunidade sira kuaze 86 % mak asesu ona bee mos no falta deit 14% mak sei dauk hetan Asesu bee mos. Dehan Administrador Afonsu iha nia deskursu wainhira partisipa iha serimonia inaugurasuan Bee mos iha Baulela, tersa feira (08/09/20)
“Ha’u simu relatoriu diretor agua saneamentu nebe fo mai ha’u ita hela deit porsentu balun atu completa, maibe lolos ne’e Munisipio Covalima asesu hotu ona ba bee mos, maibe problema mak comunidade hela iha foho leten no be’e iha foho nia okos, Tanba ne’e makina bee la iha forsa atu dada mai foho leten, ho ida ne’e mak makina sempre faila”Afonsu dehan
Iha serimonia Inaugurasaun ne’e (MAE) Miguel Perreira de Carvalho hato’o ninia parabens ba Equipa Jestaun Suco (EJS) no Konsellu Planeamantu Akuntablidade (KPA) tanba ho sira nia esforsu tomak ohin loron Komunidade Aldeia Baulela Suco Ogues bele asesu ona be’e mos.
“ Ha’u orgulho tebes tanba Bee mai to’o iha komunidade nia uma oin, tan ne’e komunidade sira bele kuru bee la dok ona, Tanba ohin emi nia sefe suku ogues faustinu cardosu hateten fo ha’u durante ne’e komunidade iha Aldeia ne’e kuru bee iha mota, no tempo udan, mota tun nune’e mos tempo bailoron araska tebes atu asesu ba be’e mos tanba ha’u husu ita bo’ot sira tenke kuidadu imi nia bee ida ne’e ho diak labele naran estrga” Dehan Ministru Miguel Perreira de Carvalho.
Jornalista : Janu Barros
Editor : Chamot Nahac
