Covalima RCCT 05-09-2020  lafaek news fasilita formasaun media online ba jornalista Radio Comunidade Cova Taroman (RCCT) na’in 13  durante loron 3.

Jornalista Voluntario Junior Joni Sius Pereira nebe partisipa iha formasaun ne’e sublina ho treinamentu ne’e bele hasae sira nia abilidade kona ba oinsa atu hakerek notisia online hanesan hakerek ba Website.

 “ha’u sente  orgulho tebes ho prezensa Lafaek news tanba bele mai iha Radio Comunidade Cova Taroman, hodi fahe ona matenek ba ami jornalista voluntario sira kona area media online, nun’ee ba oin ami bele hakerek notisia di’ak liu tan, ami  husu ba Gestor RCCT no diretor  lafaek news nafatin halo Koperasaun ne’e , nune ba oin bele iha tan tempo hodi Kapasita nafatin ami’’  dehan Joni.

Iha fatin hanesan  durante treinamentu ba voluntariu  RCCT loron rua iha salaun Radio Comunidade Cova Taroman horseik no ohin,

Formador husi Lafaek news afirma iha formasaun ne’e foka deit ho materia kona ba oinsa atu hakerek ba notisia ba media online hanesan website.

 Alan Sublina atu sai jornalista ida nebe di’ak tenki badinas no labele moe atu aprende “husu ba  kolega jornalista voluntariu iha RCCT atu imi labele moe atu aprende no husu sa ida mak  seidauk komprende atu hakerek notisia online, nune’e espera ba oin bele hakerek notisia di’ak liu tan”Alan hateten.

Liga ba asuntu Gestor Radio Cova Taroman Afirma, Treinamentu ne’e realiza tanba iha koperasaun entre Radio Cova Taroman ho Lafeak News.

“Treimanetu halo voluntariomente husi media online Lafaek News nebe liu husi ami nia Kolaborasaun, hodi Lafaek News bele fo formador nain ida hodi bele mai fasilita treinamentu ne’e”.Dehan Jestor RCCT Sancho Alves  Nahac.

Jestor ne’e mos afirma treinamentu ida ne’e hanesan fase ba dahuluk no tuir mai sei iha tan treinamentu nebe sei fo mos oportunidade ba juventude no estudante nebe iha interese atu aprende kona ba jornalimu ninian, no ida ne’e sei nafatin iha Kopesaun entre Lafaek News no RCCT.

Jornalista :Janu Barros

Editor       :Chamot nahac