Covalima (05/09/2020)-Lider Karismatik, Kay Rala Xanana Gusmão, hatete ohin loron Timor hetan ukun rasik aan ne’e manan funu ho ruin no ran la’os manan ho kilat musan.
“Durante tinan 24 nia laran ita manan funu, ita la duni inimigu ho kilat musan, maibe ita duni inimgu ho ruin no ran ne’e imi sei dauk moris tan,”esplika Xanana ba Joven sira hosi Aldeia Lela iha Hotel Kamanasa, Suai, Sabadu (05/09).
Lider Karismatik esplika ba foin sae’ sira hosi Aldeia Lela katak povu nia terus hahu hosi 1975 to’o 1978 ne’e ha’u (Xanana) ko’alia ona ba povu sira Bobonaru, Likisa Covalima.
“Ho terus no buat sira ne’e hotu hau husu ba Joven sira atu komesa hakerek istoria tanba terus tebe-tebes tan ne’e mak ohin hau dehan ita la duni inimigu ho kilat musan,”Tenik Xanana.
Xanana afirma, pregu mak reprezenta ruin sira ne’ebe namkari iha Timor ne’e, iha tinan 1999 liu ba ferik katuas no foin sa’e sira mak lori pregu ba tuu iha surat tahan mak lori duni sai inimigu hosi Timor.
“Agora hau mak sei reprezenta no agora hau hein lista hosi Suku no Postu iha teritoriu laran tomak hodi haruka mai hau husu ba estadu atu hodi tau matan ba sira,”Xanana Dehan.
Xanana mos Sublina estadu razaun iha obrigasaun tenke tau matan liuliu ba saudozo, balu simu kombatentes balu sei iha problema kona ba kombatentes sei dauk simu to’o agora.
“Ho ita nia manan ukun an ne’e imi hotu rona Fundu mina rai, sira la ba vota sira lakohi ukun an Karik se mak goza Fundu mina rai ne’e Indonézia ho Australia,”nia esplika.
Xanana dehan, sira ne’ebe terus iha tinan 24 nia laran ne’e sira la husu atu estadu halo uma mewah ba sira tan ne’e iha misaun ida ne’e foka liu ba sira. Xanan hakotu.
Kobertura Chamot Nahac
